CEBU, Philippines – Manghatag og 30 ka kabaw ang kagamhanan sa dakbayan sa Toledo ngadto sa mapili nga mag-uuma. Matud ni Konsehal Zosimo Abellanosa ang plano sa kagamhanan subay sa programa sa Department of Labor and Employment. Gituyo ang maong programa sa lokal nga kagamhanan ug DOLE alang sa panginabuhian sa mga mag-uuma. Naggahin na og pundo ang lokal nga kagamhanan alang sa mao’ng programa.
Giseguro sa kagamhanan nga ang mahatagan sa kabaw mao kadto’ng mag-uuma nga angayan ug haum nga matabangan ug labaw nga nagkinahanglan. – /GMR) (BANAT NEWS)