CEBU, Philippines - Nibahad ang officer in-charge sa Cebu City Police Office nga dakpon ang mga nipahimulos sa nahitabo sa 44 ka sakop sa Special Action Force (SAF) aron makakuwarta.
Kini nunot sa taho sa kauluhan nga duna na’y mga nabiktima sa pagpangilad nga nihatag og kuwarta aron ihatag sa pamilya sa SAF 44.
“Not in Cebu, not in region 7 because I will go after them because I was SAF before. Sobra na man sila tragic na nga gawin pa nila’ng hanapbuhay,” matud ni Senior Supt. Conrad Capa, deputy director for operations sa Police Regional Office-7.
Si Capa nanawagan sa publiko nga magbantay sa maong modus nga buhat sa mga demonyo nga tawo nga bisan patay na ang natungdan gigamit pa aron makasapi.
“There are some evil people taking advantage of the death of the SAF 44. They are so evil they have to make money out of these heroes,” matud ni Capa.
Matud ni Capa nga kung duna’y mga tawo nga gusto’ng mohatag og tabang sa mga pamilya sa mga namatay nga SAF commandos, segurohon nga mahatag sa sakto nga organisasyon ug dili sa mga mangingilad.
Hinuon sa pagkakaron wala pa’y na-monitor ang kapolisan sa Sugbo nga may nihimo sa maong modus hinungdan nga giawhag ang publiko nga mataho dayun sa kapolisan kung makabantay sa mao’ng binuang ug pagpangilad. (BANAT NEWS)