CEBU, Philippines – Naangol ang tulo ka tawo diha’ng ang motorsiklo nga ilang giluwanan kalit lang nagkadumbol sa national highway sa barangay Binabag, dakbayan sa Bogo alas 2 pasado sa niagi’ng kaadlawon.
Ang mga naangol mao sila si Dennis Gorgonio, 29, taga barangay Binabag, ug Elpidio Mandawe, 37, ug backrider niini’ng asawa nga si Minda Kilaton Mandawe, 37, taga lungsod sa Tabogon.
Si Senior Police Officer 4 Oswaldo Layson sa Bogo City Police Station niingon nga naghunong si Gorgonio daplin sa karsada sa maong dapit.
Ang motorsiklo nga gidala sab ni Elpidio nga padulong sa Poblacion, Bogo ang kalit lang nidumbol sa luyo’ng bahin sa motorsiklo ni Gorgonio nga nakaingon sa pagkabagnos sa karsada.
Nalamba sab ang magtiayun nga Mandawe nga nakaingon sa grabe’ng bun-og sa ilang kalawasan ug dali sila’ng gihatud sa Bogo Provincial Hospital. – /GMR) (BANAT NEWS)