‘Miyerkules Badlis’ karong adlawa

CEBU, Philippines – Karong adlawa magsugod ang kwaresma kon Lenten Season pinaagi sa Ash Wednesday ug giawhag sa Simbahang Katoliko ang mga Kristiyano sa pagtimaan        niini.

Giawhag usab ang pagtuman sa abstinensya ug pagpuasa, apan ang mga Filipino-Chinese Catholics gihatagan og exemption sa pagpuasa tungod sa ilang kultura sa pagsugat sa Chinese New Year.

Sa pagsugod sa kwaresma, naandan na sa mga Katoliko ang magpabadlis og krus sa agtang timaan sa pagsugod sa pagpuasa ilabi na sa matag adlaw nga Biyernes.

Gipasabot ni Msgr. Joseph Tan, ang Media Liaison sa Cebu Archdiocese nga ang pagpuasa maglakip sa dili pagkaon og mga karne sa baboy, manok ug uban pa.

Matawag gihapon nga pagpuasa ang pag-menus sa gidaghanon sa pagkaon nga kaunon og ihatag ngadto sa mga kabus ug kadtong walay makaon.

Gihimo ang pagpuasa ug pagpenetensiya kay matud ni Tan usa kini ka paagi sa lawas sa pag-ampo, kay dili sa pagkaon lang nabuhi ang tawo. Ang Sacred Heart Church sa Sugbo ang nag-inusarang Filipino-Chinese Catholic nga simbahan sa Central Visayas. – /EIM) (BANAT NEWS)