CEBU, Philippines - Nahimo’ng dugoon ang bayli sa barangay Labangon, lungsod sa Tabogon human gidunggab patay ang usa ka lalaki nga nagsayaw pasado alas 12 sa nakalabay nga kaadlawon.
Ang biktima naila nga si Junrey Booc, 25, dunay kapuyo ug nagpuyo sa maong lugar.
Gitumbok nga suspek ang usa ka Titing Catamco, 26, dunay kapuyo, construction worker ug silingan ra sa biktima.
Matud ni PO1 Ranices Lequin, desk officer sa Tabogon Police, nga pulos hubog ang suspek ug ang bikitma.
Nakabsan gyud sa kinabuhi ang biktima samtang ang suspek nasikop sa follow-up operation sa kapolisan ug nakuha ang kutsilyo nga iyang gigamit sa krimen.
Kasong murder ang gipasaka sa kapolisan batok sa suspek. (BANAT NEWS)