Water subsidy sa Toledo nahatag na
CEBU, Philippines – Nahatag na sa lokal nga kagamhanan sa dakbayan sa Toledo ang nalangan nga water subsidy program nga gipatuman ni Mayor John Henry Osmeña.
Nasayran nga upat na ka buwan nga nahunong sukad sa buwan sa Oktubre sa nakalabay’ng tuig hangtud sa buwan sa Enero 2015.
Ang water subsidy program mobalor og tag P156 nga ipaagi sa kupon aron ibayad sa Toledo City Water District.
Niabot sa kapin 500 ka molupyo sa barangay Poblacion ang nakadawat pagbalik sa maong water subsidy.
Matud ni Raul Abellana, general manager sa TCWD, nga ila’ng ipahibawo sa mosunod nga mga adlaw alang sa ubang barangay nga hatagan sa mga kupon.
Gani karong adlawa magpadayun ang pagpanghatag og mga kupon.
Matud sa mga nakadawat na sa maong hinabang nga gikalipay gihapon nila bisan nalangan og pipila ka buwan ang maong water subsidy.
Gisaad ni Osmeña ang libreng tubig alang sa mga tawo sa 38 ka barangay sa dakbayan sa Toledo dihang nagpapili siya niadtong 2013. – /GMR) (BANAT NEWS)
- Latest
