CEBU, Philippines - Mga piniriso sa Cebu Provincial Detention and Rehabilitation Center (CPDRC) nagpa-opaw isip pagsimpatiya sa 44 ka sakop sa PNP-Special Action Force (SAF) nga nakalas sa engkwentro tali sa Moro Islamic Liberation Front (MILF) ug Bangsamoro Islamic Freedom Fighters (BIFF) sa Mamasapano, Maguindanao.
Si Marco Toral ang hepe sa CPDRC mibutyag sa Banat News nga niadtong Huwebes pa nagsugod og paopaw ang mga piniriso.
Matud ni Toral nga kapin sa 2,000 ang gikatakdang magpa-opaw ug kagahapon kapin na sa 1,000 ang naopawan upat niini ang mga babaye nga naglakip sa usa ka 59-anyos nga si Julieta nga mipadayag nga naluoy kini sa mga polis.
Sa milabay’ng mga adlaw duna say mga polis nga nagpaopaw isip simpatiya ug pagpangayo og hustisya sa SAF-44. (Brenda D. Batuto/EIM)(BANAT NEWS)