CEBU, Philippines - Giaprubahan na ang hangyo ni Provincial Police Director Senior Superintendent Noel Gillamac nga pangalanan ang ilang buhatan nga Camp General Arcadio Maxilom agi og pagpasidungog sa usa ka bayaning Sugboanong heneral.
Sumala pa ni Gillamac, misugot si Chief PNP Director General Alan Purisima sa wala pa kini pahamtangi og suspensiyon sa Ombudsman sa iyang hangyo niadtong Disyembre 1 sa miaging tuig.
Ang mga batid sa kasaysayan nagkanayon nga diha manukad sa lugar diin ang nahimutangan karon sa buhatan sa CPPO si Maxilom samtang kini nakig-away sa mga Espanyol ug ingon man batok sa mga Amerkano. (BANAT NEWS)