CEBU, Philippines - Gitinguha karon sa konseho sa Dakbayan sa Mandaue nga makunhoran ang P8 nga plitehan sa mga traysikol pinaagi sa ipalabang unya nga ordinansa nga ilang gituki sa regular session niadtong miaging semana.
Ang lakang nga pagpakunhod sa plitehan sa mga tricycle gikan P8 ngadto na lang sa P7 ilang gisunod sa gihimong minimum nga plitehan sa PUJ nga giaprubahan na sa Land Transportation Franchising and Regulatory Board (LTFRB) 7.
Kini tungod sa nagkabarato na nga presyo sa produktong petrolyo sukad pa sa miaging tuig. Si Konsehal Elstone Dabon,tsirman sa committee on transportation sa konseho kinsa maoy nangamahan sa maong resolusyon mipasabot nga ang pagkunhod sa plitehan dili lamang unta sa jeepneys.
Subay usab niini, nasayran sa Banat News nga ang kagamhanan sa Dakbayan sa Lapu-Lapu pinaagi kang Mayor Paz Radaza mihimo na usab og mga lakang sa pagpakunhod sa ilang minimum nga pletihan sa traysikol. (BANAT NEWS)