CEBU, Philippines - Mokabat sa P25 mil ang kantidad sa kabtangan nga nadagit sa kawatan human gisulod ang usa ka kuwarto sa pension house sa barangay Poblacion, dakbayan sa Toledo.
Si Godfrey Davis nga nag-okupar sa maong lawak ang nabiktima sa wala hiilhing kawatan.
Sa imbestigasyon sa Toledo City Police Station nasayran nga nigawas ang biktima sa iyang kuwarto aron may paliton. Nakalimtan niini pagsira ang iyang kuwarto ug sa pagbalik niya nasayran na lang nga nawala na ang iyang tulo ka cellular phones.
Kini gilangkuban sa Samsung S3, Samsung Galaxy ug Cherry Mobile nga gibana-bana nga mokabat sa kapin P25 mil. (BANAT NEWS)