Santo Papa moabot karon

CEBU, Philippines - Daghang religious communities sa Sugbo ang nihalad og pag-ampo sa luwas nga pag-abot sa Santo Papa sa nasud karong adlawa.

Ang delegasyon sa Artsidyosesis sa Sugbo gilangkuban sa 14 ka pari nga motambong sa misa sa Santo Papa sa Manila Cathedral.

Ang media liaison officer sa Artsidyosesis sa Sugbo, Msgr. Joseph Tan, miingon nga may delegasyon usab nga mohimamat sa Santo Papa sa pag-abot sa Tacloban.

Nasayran gikan ni Tan nga subsob na ang gihimo’ng pagpangandam sa kadagkoan sa simbahan sa Tacloban ilabi na ang dapit kun diin magmisa ang Santo Papa karong Enero 17.

Samtang daghan gihapon ang nanghinaut nga hapiton ni Pope Francis ang Sugbo.

Daan na nga gibutyag sa Simbahan nga andam sila kun mausab ang huna-huna sa Santo Papa ug ikalipay nila kun kini mahitabo. (BANAT NEWS)