CEBU, Philippines - Wala malipay si Lapu-Lapu City Mayor Paz Radaza sa performance sa kapolisan sa dakbayan sa miaging tuig.
Kini ang hinungdan sa iyang sugyot nga ipa-review ang kuwang sa departamento ug tul-iron karong tuiga.
Buot si Radaza nga dublehon ang operasyon batok sa drugas ug ubang krimen sa dakbayan isip tourist destination.
Si Sr. Supt. Armando Radoc, direktor sa LLCPO, nagkanayun nga ilang hingusgan ang comprehensive deployment system ug foot patrol sa kabarangayan ug mohimo og regular inspection ug roving sa mga police stations.
Gawas sa gihimong assessment ni Radaza, siya nagkanayun nga mosuporta siya kun unsa’y lakang nga himuon sa kapolisan alang sa kaayohan ug seguridad sa siyudad. (Christell Fatima M. Tudtud/GMR)(BANAT NEWS)