CEBU, Philippines - Tindahan sa Liquefied Petroleum Gas (LPG) sa barangay Poblacion dakbayan sa Toledo gikawatan. Usa ka Josephine Panisan ,31, trabahante sa maong tindahan ang nisumbong sa Toledo City Police Station ug mipahibalo sa maong pagpangawat.
Matud niya nabantayan na lang nga abli na ang pultahan sa luyo nga bahin sa tindahan. Ug sa ilang pagsusi giguba na sa wala ilhing kawatan ang pultahan ug nagkatag na ang mga gamit.
Nakuha sa kawatan ang kwarta nga P5 mil nga halin sa maong tindahan.
Padayon pang nipahigayon og follow up investigation ang kapulisan sa maong panghitabo. (BANAT NEWS)