CEBU, Philippines – Niadtong tuig 1999, si Bro. Rodulfo Kintanar Sr. gitambagan sa mga doctor nga mopaubos og tulo ka heart by-pass operation human na-stroke kini sa ikaduhang higayon.
Matud niya, gipasaligan siya sa iyang doktor nga mokabat P200,000 ngadto sa P300,000 lang ang iyang gastuhon sa operasyon.
Apan usa ka pasyente usab sa tambalanan diin siya nalandig kaniadto ang mibutyag nga naoperahan na usab kini og heart-by-pass kaniadto apan nakabayad kini og P1.2 milyon wa pay labot sa post-operation maintenance.
Matud ni Kintanar, giingnan siya sa doktor nga kun di siya mopaubos sa maong operasyon, lima na lang ka tuig ang iyang tagal sa kalibotan, apan kun magpa-opera siya molanat pa siya og napulo ka tuig. Nianang panahona, 59-anyos na si Kintanar nianang 1999.
“I told him (doctor) point blank, how sure are doctors that all of this prognosis will come true as predicted? He said that he is not God that all he says will come as it is predicted. If that is the case, then, I have to return to my God for my medical problems. From that day onward, I never returned to his clinic,” matud niya.
Si Kintanar usa ka lay minister sa Archdiocese Shrine of Sr. San. Roque sa Barangay Mambaling, Cebu City, sukad pa niadtong 1989, ug nagserbisyo sa Basilica del Santo Niño sukad pa niadtong 1995.
“I only served on Fridays and Saturdays but right after my last visit to the clinic of Dr. (pangalan gipugngan), I have to double time my services to the Lord,” pasabot pa ni Kintanar.
Sukad niadto, nakalimtan na lang ni Kintanar ang balatian paglabay sa mga katuigan, hasta na ang tagal kaniya nga lima ka tuig sa doctor tungod sa kadaghan sa iyang gimbuhaton pagserbisyo sa Simbahan.
“The tightness of my chest, the shortness of breath and all signs of heart problems are still there but I have learned to live with it. My only consolation is that I have outlived the doctor’s prognosis (nga mamatay siya sa tuig 2004). I have outlived the maximum life span expectancy of a male Filipino (64 years old),” dugang pasabot ni Kintanar nga karon nag-edad na og 73 anyos. (Liv Campo sa The Freeman/EIM (BANAT NEWS)