Mga pasahero natanggong

CEBU, Philippines - Nangatanggong na usab ang mga pasahero sa nagkadaiyang pantalan sa Central Visayas tungod sa pagkanselar sa mga biyahe gumikan sa kadagko sa bawod ug kusog nga huros sa hangin.

Sa dakbayan sa Toledo, dili momenos usa ka gatos ka pasahero ang natanggong sa Toledo City Terminal Port Area kagahapon sa hapon human gikanselar ang mga biyahe sa barko paingon sa San Carlos City ug Dumaguete City sa Negros Occidental.

Samtang susama gihapon ang sitwasyon sa Ormoc City human nga wala palargaha ang mga fastcraft ug Roll-on-Roll-off nga mga barko.

Ang Philippine Atmospheric , Geophysical and Astronomical Service Administration (PAGASA) mipagawas og gale warning sa Visayas seaboard.

"Strong to gale force winds associated with the northeast monsoon, strong to gale force winds is expected to affect seaboards of Luzon and Visayas. Samar and Leyte provinces, Negros provinces, Cebu, Bohol, Guimaras, Iloilo, Capiz, Aklan, and Antique. Weather cloudy skies with light rains. Wind force (52-63) (28-34) sea conditions rough to very rough," matud pa sa gale warning number 65 nga gipagawas kagahapon sa hapon.

Si Philippine Coast Guard Cebu station commander Rodolfo Villajuan  mimando dayon sa tanang gagmay nga sakyanan sa dagat nga dili palargahon.

"Those departing Dumaguete for vessels 250 gross tonnage and below. Basically on case by case basis. Elsewhere normal," matud pa ni Villajuan sa The Freeman/ Banat News.

Samtang si PCG Central Visayas chief Commodore William Melad mipasabot nga bisan walay bagyo, mahimong kanselahon sa mga lokal nga coast guard commanders ang biyahe sa barko alang sa kaluwasan sa mga pasahero.

"That is judgment call of station commander. Especially if there is gale warning issued by PAGASA. Usually, small sea crafts 250 GT and below. We do not have to instruct them to cancel. It is stated in an existing circular. Normally it is done to small sea crafts," matud pang  Melad. (BANAT NEWS)