CEBU, Philippines - Atol unya sa pagduaw ni Pope Francis dinhi sa Pilipinas sa buwan sa Enero sunod tuig, ang mga dancing inmates sa Cebu Provincial and Rehabilitation Center(CPDRC) mohalad og sayaw.
Kini bisan paman og hanap ang kahigayunan nga mohapit ang Santo Papa dinhi sa Sugbo.
Ang mga Cebu Dancing Inmates nisikat tungod sa ilang pagsayaw sa mga Michael Jackson hit nga Thriller ug They Don’t Care About Us ug ning bag-o nagpraktis na sila sa ilang sayaw nga halad ngadto sa Santo Papa. Ang Chairman sa Council for Leaders sa CPDRC Lito Granada mihangyo sa ngalan sa iyang mga kauban ngadto kang Pope Francis nga i-ampo sila nunot sa ilang pagkabalhog sa bilanggoan tungod sa paglapas nila sa mga balaod.
Dinhi sa Kabisay-an, ang siyudad sa Tacloban ug mga silingang dapit nga maoy grabeng gikuso-kuso sa bagyong Yolanda mao lang ang bisitahon ni Pope Francis ug taas nga panahon siyang magpundo sa Kaulohan. (BANAT NEWS)