CEBU, Philippines - Patay ang usa ka 14-anyos nga batang lalaki human kini nakuryentehan atol sa pagbundak sa kusog nga ulan ug hangin gumikan sa bagyong Ruby sa Sitio Bangkong, Barangay Cerdeña, lungsod sa Malabuyoc, kagahapon sa buntag.
Ang biktima naila nga si Jimmy Saldo Cardente, nagpuyo sa maong lugar. Matud pa ni Police Officer 2 Diosdado Iran ang desk officer sa Malabuyoc Police nga usa ka palwa sa lubi ang natagak ug didto mitugpa sa metrohan sa kuryente sa balay nga gipuy-an sa biktima hinungdan nga milaylay ang wire niini.
Giingong gisuwayan kini pag-ayo sa biktima apan mikirig kini ug namatay.
Samtang daghang mga karsada sa bukirang bahin sa dakbayan sama sa Binaliw, Mabini, Paril ug Lusaran ang nababagan og nangatumbang punoan sa kahoy ug gikinahanglan pang panguhaon.
Gimando usab ni Rama ang mga kawani sa city hall nga motabang sa paglimpyo sa mga classrooms ug mga tunghaan nga gigamit nga evacuation centers.
Ang probinsya sa Sugbo padayon pa sa ilang assessment sa danyos sa maong bagyo, apan dunay pipila ka mga lugar ang nawad-an og kuryente tungod sa nangatumbang poste. (BANAT NEWS)