CEBU, Philippines - Gikombikto sa korte ang usa ka lalaki sa kasong kalapasan sa Anti-Trafficking in Persons Act tungod sa pagpangbugaw.
Si Regional Trial Court Judge Soliver Peras nipahamtang og 20 ka tuig nga pagkabilanggo ug usa ka milyon ka pesos nga multa batok kang Ramil Ostia.
Si Ostia nadakpan sa kapolisan pinaagi sa entrapment operation niadtong Agosto 26, 2011 sa usa ka bar sa dakbayan sa Sugbo kauban sa tulo ka babaye nga gibugaw.
Ang akusado mihimakak nga iyang gipangbugaw ang mga babaye nga na-rescue sa kapolisan. Matud niya nga sa tulo ka na-rescue, usa lang ang iyang nailhan nga nagtanyag og sexual services.
Iyang gihimakak nga makadawat siya’g kwarta gikan sa iyang mga amiga nga makighilawas sa kustomer.
Apan matud ni Peras nga igo ang ebidensya aron makombikto si Ostia. (BANAT NEWS)