CEBU, Philippines – Pito ka tawo nga naghupot og shabu ang nadakpan sa dakbayan sa Mandaue atol sa buy-bust operation nga gihimo sa mga sakop sa City Anti Illegal Drug Special Task Force Group (CAIDSOFTG) sa Mandaue City Police Office (MCPO).
Si Superintendent Josepino Ligan, hepe sa City Intelligence Branch (CIB) ug CAIDSOFTG sa MCPO mironda sa Zone Kamunggay, Barangay Paknaan ug misikop ni Julito Cuadro Alimpus alyas Lito, 35.
Si Alimpus maoy gipalitan og shabu sa ilang poseur buyer nga nagpatuong kustomer gamit ang P200 nga marked money bugti sa usa ka paketeng shabu.
Gikatahong naaktohan usab nga nanuyop og shabu sa balay sa suspek sila si Byle Soco alyas Wity, 28, Paul Iborda, 32, ug Diomedez Gonzaga Jr., 38.
Sa laing buy-bust operation sa CAIDSOFTG, laing tulo usab ang ilang nadakpan sa Sitio Felisitas, Barangay Looc sa mao gihapong dakbayan.
Ang nadakpan mao si Romeo Nodalo alyas Meo, 41, Elinito Gonzales, 47, ug Nolin Novicio, 37.
Ang mga dinakpan nagtingkagol na karon sa detention cell. – /EIM) (BANAT NEWS)