CEBU, Philippines – Pormal nang ablihan sa Pilipinas ang ika-23 nga Asia-Pacific Economic Cooperation (APEC) 2015 karong adlawa Disyembre 1, sumala pa sa gipagawas nga pamahayag sa Department of Trade and Industry (DTI). Matud pa ni DTI Secretary Gregory L. Domingo, si Presidente Benigno S. Aquino III mismo maoy mopresentar sa pagbukas sa APEC 2015 nga himuon diha sa Green Sun sa Makati City karong buntag. Dunay sagunson nga mga panagtigom nga mahitabo atol sa summit, kini naglakip sa Senior Officials Meetings (SOMs), APEC Ministerial Meetings (AMMs) ug uban pa, ug matapos kini sa APEC Economic Leaders’ Meeting (AELM) sa bulan sa Nobiyembre sa sunod tuig.
Giawhag ni Domingo ang mga lokal nga industriya ilabi na kadtong nalambigit sa small and medium enterprises (SMEs) nga dili palabyon ang kahigayonan nilang mapalambo ang ilang negosyo samtang ang Pilipinas ang host karon sa APEC Summit.
Usa sa mga gitinguha sa mga SMEs mao ang paghimong sayon alang kanila nga mga gagmay nga negosyante ang mga trade rules aron usab sila makasulod sa international business ventures. (Gikan sa Wires/EIM) (BANAT NEWS)