CEBU, Philippines - Mukabat sa P500 mil ang danyos sa sunog sa usa ka bodega tungod sa ni-overheat nga ceiling fan sa sitio Sangi, barangay Pajo dakbayan sa Lapu-Lapu sa niaging gabii.
Matud ni FO3 Climaco Salisid sa Lapu-Lapu City Fire Department nga nadawat nila ang alarma alas 10 sa gabii. Ang Dinneson Enterprises nga gipanag-iya ni Francis Chua, ug usa ka hardware diin gibutang ang mga lumber o kahoy ang gikaon sa kayo. Daling miresponde ang grupo ni Salisid aron dili na mukatap ang misilaob nga dakung kayo.
Dugang ni Salisid nga nakontrolar ang sunog sulod sa 15 minutos ug wala’y naangol. (Christell Fatima M. Tudtud/GMR)(BANAT NEWS)