CEBU, Philippines – Nasikop na sa kapolisan ang suspek sa pagpangawat duol sa simbahan sa dakbayan sa Danao bisan nakadagan sa unang higayon dihang gidakop.
Ang suspek nga si Melvin Mangampo Gonzales, 40, taga Magay, dakbayan sa Danao, nakaeskapo dihang niresponde ang kapolisan human nagpakitabang ang biktima nga si Estrella Hermoso Bustamante, 36, taga Deca Homes, Sabang, Danao.
Matud sa mga nakakita, nakadagan ang suspek padulong sa amihanang bahin sa Sugbo hinungdan nga gihimo ang follow-up operation sa kapolisan.
Nabawi gikan kang Gonzales ang shoulder bag sa biktima nga adunay sulod Canon nga kamera samtang nasakmitan usab ang suspek og kalibre .38 revolver nga dunay 3 ka bala ug usa ka granada. – /GMR) (BANAT NEWS)