CEBU, Philippines - Gipatuman sa kagamhanan sa lungsod sa Compostela ang artificial insemination (AI) program sa Kapitolyo.
Ang Provincial Veterinarian’s Office (PVO) nipahigayon na og information and education campaign (IEC) sa tulo ka barangay sa lungsod diin mokabat sa 30 ka baka ug kabaw ang napaubos sa AI sa kagamhanan sa Compostela.
Si Nenita Jaganas, animal production division chief sa PVO, nagkanayon nga ang lungsod usa sa outstanding performers sa maong programa pipila na ka tuig ang nakalabay.
Apan niadtong tuig 2000 ang AI technician sa Compostela milarga sa abroad ug ang kontrobersiya sa politika ang usa sa nakapalangan sa pagpadayon sa programa.
Si Rosemarie Peñas, municipal livestock technician, mibutyag nga si Mayor Joel Quiño mihatag na og kamandoan sa pag-implementar sa programa sa libreng AI.
Niining ulahi lang ang mga mag-uuma sa barangay Tag-ube ang gipaubos sa seminar kabahin sa AI.
Ang kapitan sa barangay nga si Corsino Sarona mipadayag sa ilang paghangop sa gihatag nga tabang sa kagamhanan. (BANAT NEWS)