CEBU, Philippines – Pwerte nga nakagara ang mga kawatan sa dakbayan sa Sugbo ug probinsiya human duha ka balay ang ilang giransak samtang ang mga tagbalay miduaw sa sementeryo niadtong Nobiyembre 1 ug 2.
Dinhi sa dakbayan sa Sugbo, gilungkab ang balay ni Rannie Bodorno, 31, diha sa Sitio Ipil-ipil, Alaska, Mambaling.
Si Bodorno nga usa ka drama talent sa RMN- dyHP nanagkot sa sam-ang apan sa pag-uli niya sa ilaha, wala na iyang tv, computer, camera, cellphone ug ubang gamit.
Samtang sa Pinamungajan, usa ka Flavio Siase, 50,nga niduaw sa sam-ang ang nabiktima sa akyat bahay human niya nadiskubrehi pag-uli sa ilang balay sa Barangay Tangob nga gikawatan na sila. Human nakuha ang ubang butang, gisunog pa g’yud sa sud ang ubang gamit.Giingong dunay motorsiklo nga gi-parking sa gawas sa balay nianang gabhiuna ug gitan-aw na kun kinsa ang tag-iya niini. – /EIM) (BANAT NEWS)