Buhis sa ihawan bayran sa siyudad
CEBU, Philippines - Susihon ni Cebu City Treasurer Diwa Cuevas kung may napadala ba’ng statement of payment sa ilang bayranan sa ihawan ang kagamhanan sa dakbayan sa Mandaue.
Kini human ang Mandaue City Treasurer’s Office nipadala og suwat sa buhatan ni Cebu City Mayor Michael Rama nga nag-awhag nga molukat og permit sa pag-operate sa ihawan sa Subangdaku.
Si Mandaue City Treasurer Regal Oliva nagkanayon nga gitahasan na niya ang Land Tax Division ubos sa iyang buhatan sa pag-compute sa real property taxes nga bayranan sa Cebu City Hall sa pagdumala sa ihawan.
Si Joey Daluz, executive assistant ni Rama, mipasabot nga mosunod sila sa ordinansa sa Mandaue.
Matud ni Daluz nga sa iyang personal opinion, ang ihawan sa siyudad usa ka economic enterprise.
“We cannot deny that the abattoir is functioning privately, proprietary function….Dual man gud ning generating income,” pasabot ni Daluz.
Dugang ni Daluz nga hatagan nila og pagtagad ang maong isyu. (BANAT NEWS)
- Latest
