CEBU, Philippines – Duha ka mga executives sa Department of Agriculture (DA) ug usa ka propesor sa kolehiyo ang gitaktak sa trabaho tungod sa giingong pagpeke nila sa liquidation receipts sa P4.9 million project sa Ginintuang Masaganang Ani High Value Commercial Crops Program (GMA-HVCC). Si Ombudsman Conchita Carpio-Morales mipagawas og dismissal order batok ni Ponciano Vinuya, Julita Ponce ug Elena Miranda.
Ang tulo nasakpan sa Special Audit Report sa Commission on Audit (COA) nga pulos peke ang official receipt, vouchers ug uban pang supporting documents sa resibo. Giingong ang aktwal nga nabayran P150,000 lamang apan ang gibutang P750,000 nga maoy gipangangkon ni Miranda.(Gikan sa Wires/EIM) (BANAT NEWS)