CEBU, Philippines - Singkwenta porsiyento sa mga sakyanang de pasaheroan sa dakbayan sa Sugbo ang naapektahan sa transport strike kagahapon sumala pa ni Bise Mayor Edgardo Labella kagahapon base sa impormasyon sa City Traffic Operation Management (CITOM) sa mga alas 11:00 kagahapon sa buntag.
Singkwenta porsiyento sa mga sakyanang de pasaheroan sa dakbayan sa Sugbo ang naapektahan sa transport strike kagahapon sumala pa ni Bise Mayor Edgardo Labella kagahapon base sa impormasyon sa City Traffic Operation Management (CITOM) sa mga alas 11:00 kagahapon sa buntag.
Apan matud ni Labella nga wa kaayo maapektahi ang mga rota sa habagatang bahin sa siyudad. Si Labella nagkanayon nga mga alas 11:00 sa buntag kagahapon 10 ka Kaohsiung buses ang gi-deploy sa kagamhanan sa siyudad.
Sa secondary roads dunay 40 ka barangay buses nga giandam ug 22 ka sakyanan sa main road. Gawas sa maong mga sakyanan dunay lima ka Ceres buses nga gi-deploy gikan sa 20 nila ka giandam nga bus kagahapon. Karong Biyernes dunay ipahigayong tigom tali sa mga sakop sa konseho aron matun-an kung unsay ilang ikatabang sa mga drayber ug operator.
Subay niini, si Rhea May Angtud, district schools superintendent mimando kagahapon sa hapon pagkanselar sa klase tungod sa transport strike ug ang kadautan sa panahon. Apan mga alas-4 kagahapon sa hapon mibalik na ang normal nga biyahe sa mga publikong sakyanan matud ni Joy Tumulak, operation manager sa CITOM. Ang PISTON-Cebu mipadayag sa ilang pagsupak batok sa Joint Administrative Order (JAO) 2014-01 hinungdang mipahigayon sila og protesta. Gihulagway sa lider sa PISTON nga si Greg Perez nga dili makatawhanon ug dili makatarunganon ang maong balaod nga ipahamtang ngadto sa mga drayber. Ubos sa JAO ang mga penalty sa mga nakalapas sa trapiko gipatas-an kini sama sa driving without valid license gikan sa P1,500 nga multa mahimo na kining P3,000. (BANAT NEWS)