Lapu-Lapu City Hall magbutang og HD cctv
CEBU, Philippines - Mas gipahugtan pa karon ang pagbantay sa Lapu-Lapu City Hall human sa mga nahitabong pagpanglungkab sa mga buhatan sa mga tresurero sa lalawigan sa Sugbo.
Nasayran nga walay mga CCTV camera ang city hall apan gumikan sa mga insidente nakita sa mayor nga kinahanglan na gyud kini butangan ug gikatakdang moawhag sa konseho paggahin og budget alang sa pagpalit og high definition CCTV camera.
Gimando ni Radaza sa City Treasurer’s Office nga dili magpundo og kwarta diha sa ilang buhatan ug ideposito dayon kini sa bangko.
Giplanohan usab karon sa mayor ang profiling sa tanang mga kawani sa Treasurer’s Office. Duna usab kini gibutang nga logbook aron i-record ang tanang mga kawani sulod sa city hall ug kadtong mag-overtime.
Ang director sa Lapu-Lapu City Police Office Senior Superintendent Armando Radoc miingon nga duna na silay gipatuman nga security measures diha sa city hall gawas sa mga blue guards nga daan nang maoy nagbantay niini. (BANAT NEWS)
- Latest
