CEBU, Philippines - Nalandig sa tambalanan ang usa ka polis ug ang usa ka lola, human nga aksidente niyang nabanggaan diha sa Catmon Daan, Catmon, Cebu, pasado ala 1 sa hapon, kagahapong adlawa.
Ang nabanggaan naila nga si Daylina Colipano, 66, nagpuyo sa Barangay Cambangkaya, Catmon, samtang ang nakabangga kaniya mao si PO1 Jefferson Guinsisana, 33, nadestino sa Public Safety Company sa Cebu Provincial Police Office (CPPO) nga paingon na unta nga mouli sa ilang panimalay sa San Remegio.
Matud pa ni PO1 Nilon Suico sa Catmon Police Station nga nahinabi sa Banat News kalit mitabok si Colipano sa dalan hinungdan nga nabanggaan.
Atol sa aksidente maayong pagkalukot sa duha sa kalsada ug nakaangkon og mga bun-og sa kalawasan, apan gumikan sa edad sa lola dali kini nga gidala sa Sugod District Hospital ug gibalhin sa Vicente Sotto Memorial Medical Center (VSMMC).
Gipasalig sa polis nga siya na lang ang mobayad sa tanan nga gasto sa hospital sa lola. (BANAT NEWS)