Naga City LGU di motabang
CEBU, Philippines - Gitug-an sa mga kadagkuan sa siyudad sa Naga nga dili kini makatabang sa Department of Environment and Natural Resources (DENR-7) ug Department of Public Works and Highways (DPWH-7) sa pag-rehabilitate sa mga karaan na kaayong mga kahoy sa daplin sa dalan.
Si Dr. Roger Guzman, ang forestry professor sa UP Los Baños nga ni-inspection sa mga kahoy sa siyudad sa Naga, San Fernando ug Carcar uban ang mga foresters sa DENR-7 kagahapong adlawa miingon nga mahimo pang i-rehabilitate ang maong mga kahoy.
Matud pa ni Guzman wala siya’y nakitang dakong hulga sa mga motorista sa kahimtang karon sa mga kahoy nga gitinguha untang putlon sa DENR-7 ug DPWH-7.
Sumala pa niya makalahutay pa og 20 ngadto sa 30 ka tuig ang maong kahoy kun i-rehabilitate ang maong kahoy sama sa pagtapak og semento sa mga lungag sa mga kahoy samtang putlan lamang og mga sanga ang nagdahirig na nga mga kahoy.
Apan si Naga City Mayor Valdemar Chiong sa usa ka radio interview nagkanayon nga ilang subayon ang nahaunang findings sa mga foresters sa DENR-7 nga mirekomendar nga ipaputol na gyud ang maong mga kahoy kay risgo na kining maputol.
Apan iyang gitataw nga kun ipa-rehabilitate lamang ang maong mga kahoy ang siyudad sa Naga dili gyud motabang niini. (BANAT NEWS)
- Latest
