CEBU, Philippines- Duha ka mga fetus ang nangapalgan sa managlahing dapit sa dakbayan sa Sugbo kagahapon, usa niini diha sa basurahan sa Cebu Metropolitan Cathedral.
Ang Homicide Section miresponde sa maong simbahan human usa ka Julio Regis, 50, parking aid sa maong simbahan ang nakakaplag og gibanabanang pito ngadto sa walo ka buwang fetus nga giputos og plastic sa usa sa ilang mga basurahan kagahapon sa buntag.
Laing gidudahang fetus gibanabanang usa o duha pa ka buwan ang napalgan diha sa daplin sa dalan Sitio Baka, Apas sa dakbayan sa Sugbo. Kini nakaplagan ni Marializa Emperial nga residente sa maong dapit.
Si SPO4 Rey Cuyos, ang chief investigator sa Homicide Section bisan sa kahanas na sa maong trabaho nakaingon nga makasagmuyo ang susamang mga hitabo. - /EIM) (BANAT NEWS)