CEBU, Philippines- Negatibo sa ginadiling drugas ang mga kawani sa Cebu City Traffic Operations Management (CITOM) kinsa gipaubos sa random drug test. Ang Cebu City Office on Substance Abuse Prevention (COSAP) ang nipahigayon usab og random drug test sa mga kawani sa barangay Pulangbato nga giilang notadong lugar sa mga tiggamitan sa ginadiling drugas.
Apan nasuta nga sa gihimong random drug test, negatibo ang resulta.
Nalipay si Dr. Alice Utlang, hepe sa COSAP, sa resulta sa drug test tungod kay nagnegatibo ang mga kawani sa Pulangbato.
Matud ni Utlang nga padayon ang ilang himoong drug test sa lain-laing barangay sa dakbayan.
Ang COSAP nitanyag usab sa libreng rehabilitasyon alang sa mga nagpositibo sa drug tests. - /GMR) (BANAT NEWS)