CEBU, Philippines - Giawhag sa Office of the Civil Defense ang pribadong kompaniya nga moumol og kaugalingong Quick Response Team (QRT)) nunot sa daghang leksiyon nga nahatag sa mga nangaging katalagman.
Matud ni Joy Hernandez, training officer sa OCD-7 nga mas suhito ang mga kawani sa ilang gitrabahoan mao nga dali kining makatabang panahon sa mga katalagman.
Sa pagkakaron nagpadayon ang gihimong seminar sa OCD-7 dili lang sa mga local government units (LGUs) apan lakip na sa nagkadaiyang mga kompaniya alang sa disaster preparedness.
Gawas sa OCD-7 apil sa nipasabot sa maong lakang si Engr. Oscar Tabada sa PAGASA nga ang quick response team sa matag kompaniya maoy motubag sa mga kalamidad mugna sa climate change. (BANAT NEWS)