Job Order sa Toledo gipabalik
CEBU, Philippines - Gipabalik na sa trabaho ang mga job order nga mga kawani sa mga konsehal sa dakbayan sa Toledo.
Gibutyag ni Edwin Abad, pangulo sa Human Resources Management Office (HRMO) nga ang pito ka mga konsehal sa siyudad gitugyanan nga makakuha og 20 ka JOs matag usa.
Matud ni Abad nga nagpaabot na lang si Mayor John Henry Osmeña nga maduso na ang listahan sa mga JOs gikan sa mga konsehal.
Ang mga JO magdawatan og tag P250 nga suhulan matag adlaw apan adunay uban niini nga magdawatan og mas sobra pa sa maong kantidad depende sa ilang trabaho.
Nalangan ang pagpabalik sa mga JOs nunot sa dili maayong relasyon tali sa mayor ug mayoriya sa konseho sa pagpasar sa P619 milyones nga annual budget. Gipanglantawan nga mahibalik na ang maayong kabubut-on sa mayoriya sa konseho ngadto sa mayor nunot sa pagpabalik sa mga JOs. - /GMR) (BANAT NEWS)
- Latest
