CEBU, Philippines- Balikon sa taga Campo Crame kadtong wala pa makahuman sa paghikay sa ilang papeles sa pagpa-lisensiya sa ilang mga armas atol sa unang pagpahigayun sa “One Stop Shop Caravan” sa Police Regional Office-7 sa niaging semana.
Matud ni Sr. Supt. Erson Digal, hepe sa Regional Operations Plans Division, nga nahinabi sa Banat News nga kini usa ka dakung pabor para sa mga mopasa sa ilang papeles sa ilang mga armas nga dili na kinahanglang moadto sa Manila.
Karong Agosto 14 ug 15 ang gikatakdang schedule sa pagpangdawat sa mga papeles sa PRO-7 ground gikan buntag hangtud hapon.
Matud ni Digal nga duna pa’y daghan nga wala nakapasa og dukomento alang sa maong katuyoan.
Sa dili pa mobalik ang taga Crame sa Sugbo igo pa nga makompleto ang mga kuwang nga papeles, sumala pa ni Digal.
“Daghan man gud nga wala pa kapasa sa mga requirements mao nga nag-request mi diri nga mobalik ang taga Manila para pagdawat sa mga dukomento,” matud ni Digal. - /GMR) (BANAT NEWS)