CEBU, Philippines- Alerto ang buhatan sa Toledo City Health Department sa posibleng pagtumaw sa mga sakit panahon sa ting-uwan.
Si Dr. Tiburcio Dacalos, ang labaw sa CHD, nabalaka nga sagad motumaw sa ting-uwan mao ang dengue, typhoid fever, diarrhea ingon man pagsuka-suka.
Subay niini giawhag ni Dacalos ang mga residente nga magbaton kanunay sa pagpanglimpyo sa palibot ilabi na ang pagpatuman sa 4-oclock habit nga usa sa paagi sa pagsumpo sa sakit nga dengue.
Nipahimangno usab si Dacalos sa mga molupyo diin ang tinubdan sa tubig gikan sa tubod, tabay o puso nga pabukalan gyud sa dili pa imnon aron malikayan ang sakit.
Hinuon andam ang CHD sa pagtubag sa posibleng mga kaso nga madangat sa ilang buhatan. - /GMR) (BANAT NEWS)