CEBU, Philippines - Mga motorista nga nagtinguha nga moanha karong buntag duol sa Cebu City Hall gipasidan-an nga makasinati sila og kahasol sa trapiko kay sugod karong alas sayes pangsirad-an ang mga duol nga karsada.
Kini agi og kabahin sa pagpahigayon ni Mayor Michael Rama sa iyang State of the City Address (SOCA) atubangan sa mga sakop sa Cebu City Council alas 10 karong buntag.
Matud ni Joy Tumulak, hepe sa operations branch sa CITOM, nga mohangyo sila og pagsabot sa mga motorista nga mahasol sa pagsirado nila sa ubay-ubay nga mga eskena.
Giawhag ang mga motorista nga motuman lang sa mga traffic signs ug sa paggiya sa mga traffic enforcers kanila. Ang karsada buksan pagbalik sa natural nga traffic human sa pag-deliver ni Mayor Rama sa iyang State of the City Address. (Khacel Anne Sanchez USJ-R Mascom intern)