Manag-agaw milugos sa 14-anyos

CEBU, Philippines - Gisikop sa kapulisan sa Fuente Police Station ang duha ka manag-agaw nga gitumbok sa usa ka 14-anyos nga batang babaye nga nagbanos-banos paglugos kaniya.

Ang mga dinakpan nga nagtingkagol na karon sa Fuente Police detention cell, giila nga sila si Jose Ike Bacus Amance, alyas “Aki”, 45,  ug Rex Abelgas  Amance, 30, alyas “Mikol”, pulos taga Barangay Sambag 2 ning dakbayan. Sumala pa nga nahitabo ang paglugos sa miaging semana apan niadto lang Sabado kini nahibaw-an sa inahan dihang gitug-anan sa bata sa gibuhat sa mga suspek. Wa hinuon mobutyag ang kapolisan kun asa nahitabo ang paglugos. Tungod niini, gidakop sa kapolisan ang duha. Matud pa ni Chief Inspector Wildemar Tiu ang hepe sa Police Station 2 ang bata gidala na sa tambalanan alang sa eksaminasyon. Ang duha pasakaan og kasong rape ug child abuse. (BANAT NEWS)