CEBU, Philippines - Nipasalig ang French Government pinaagi sa Agence France Development (AFD) nga andam kini mopahuwam og pondo alang sa pagpatukod sa Bus Rapid Transit (BRT) Project sa dakbayan sa Sugbo.
Ang AFD andam mopahuwam og P2.1 billion samtang si Cebu City Mayor Mike Rama nagpaabot og laing tanyag nga loan sa World Bank aron makompleto na ang budget sa BRT System.
Gipasabot ni Atty. Rafael Christopher Yap, direktor sa Cebu City Traffic Operations Management (CITOM), nga ang loan sa AFD bayran sa national government pinaagi sa Department of Transportation and Communications.
Matud ni Yap nga ang loan sa BRT usa ka multi-lateral loan sa Clean Technology Fund, French Development Loan ug sa WB.
Gikatakda nga magsugod ang trabaho sa BRT Project sa katapusan sa tuig 2016 ug mahuman sa tunga-tunga sa tuig 2017. (/GMR)(BANAT NEWS)