CEBU, Philippines - Human hingpit naimplementar ang Joint Administrative Order 2014-01 kagahapon Hunyo 19 ang Sunrays Bus nga iya sa Jerel Transport Corporation maoy nasampolan sa estriktong implementasyon niini.
Matud pa sa officer in charge sa Land Transportation Office-7 Arnel Tancinco nasakpan nilang wala magtakdo ang chassis number sa maong bus nga nakabutang sa certificate of registration ug official receipt sa maong bus.
Sa dugang inspection sa bus, nasuta nga tampered ang engine number niini hinungdan nga awtomatiko nila kining gi-impound aron i-verify ang dokumento ug mga serial numbers niini. Gawas niini, nahibaw-an usab nga duna pay laing violations ang maong bus sama sa vehicle accessories sama sa wiper sa tuong bahin, wiper washer, tires, suga ug dili kompleto ang seabelt niini. Ang representante sa Sunrays Bus Lines nga nagdumili paghingalan miingon nga kompleto ilang papeles ug wa silay gipadagan nga kolurom. Si Alita Pulga, ang assistant regional director sa LTO-7 mitug-an sa Banat News nga susihon pa kun tinuod ba gyud nga way kompletong dokumento ang maong bus.
Samtang temporaryo una nga gihunong sa LTO ang deputation sa tanang traffic enforcers ug traffic police kay hashasan aron pagsiguro nga di maabusaran ang JAO.( /EIM)(BANAT NEWS)