P70M nadawat sa Madridejos

CEBU, Philippines - Nipagawas og kapin sa P70 milyones ang Deparment of Social Welfare and Development-7 alang sa Emergency Shelter Assistance ug Cash-For-Work Program sa lungsod sa Madridejos.

Ang maong pondo kabahin sa rehabilitasyon  sa mga lugar sa amihanang bahin sa lalawigan sa Sugbo nga nagusbat sa bagyong Yolanda sa miaging tuig.

Gipangunayan pagtunol ni DSWD-7 Regional Director Mercedita Jabagat ang pondo ngadto kang Madridejos Mayor Salvador dela Fuente.

Ubos sa Cash-For-Work Program, ang mga beneficiaries nga mitrabaho sulod sa 15 ka adlaw makadawat og minimum nga suhalan sa ilang pagpanglimpyo ug pagtanum og mga bakhaw ug uban pa.

Samtang ang Emergency Shelter Assistance gitumong aron pag-ayo  sa kapin sa 5,000 ka balay nga hingpit naguba ug kapin usa ka libo ang partially damaged.

Ang Madridejos usa  lang sa  16 ka lungsod sa Sugbo nga grabeng naapektohan sa bagyong Yolanda.  - /GMR (BANAT NEWS)

Show comments