CEBU, Philippines - Lalaki giunay sa iyang kauban sa pagtulis unya gipatay sulod sa iyang panimalay sa miaging hapon sa Barangay North Poblacion dakbayan sa Naga. Si Dionisio “Junjun†Yabut nakit-an na lang nga wala nay kinabuhi ug naligo sa kaugalingong dugo alas 4:00 sa hapon sa iyang igsuon nga adunay dinunggaban sa lawas.
Sa imbestigasyon ni PO2 Gilmer Noval nasuta nga si Yabut uban sa usa ka naila lang sa pangalang “Noel†nga taga Barangay Poblacion, Minglanilla. Ang duha nagkuyog gikan nag-inom gikan sa Baywalk area sa Barangay South Poblacion.
Si Yabut giubanan ni Noel sa pagpauli ug ingon usab aning higayuna nakit-an si Noel nga daling misibat palayo sa lugar nga adunay kauban kinsa wala pa mailhi sakay og mga motorsiklo. Matud pa nga ang usa sa mga motorsiklo iya kang Yabut. Gidala usab niini ang flat screen television sa biktima. Nianang pagkahapon, miabot ang igsuon ni Yabut nga si Edgar kinsa nakurat sa iyang nakita ug daling nangayo og tabang sa silingan.
Si Supt. Brindo Nacario, hepe sa kapulisan sa Naga City, mihimo dayon og hot pursuit operation apan wala na nila maabti ang mga suspetsado.
Matud sa kapulisan nga tulis ang motibo sa pagpatay ug posibleng gipatay ang biktima kay nakaila man kini sa suspek.
Subayon karon sa kapulisan ang motor sa suspek pinaagi sa Land Transportation Office ug sa mga silingang police stations. (BANAT NEWS)