CEBU, Philippines - Gimonitor karon sa Cebu City police intelligence unit ang pagsaka sa demand sa drugas ilabina nga hapit na magsugod ang klase.
Matud pa ni Superintendent Romeo Santander duna’y moabot sa 50 ka mga notadong tigpayuhot og drugas sa dakbayan ang ilang gibantayan lakip ang mga barangay diin sila mag-operate.
Sumala pa sa maong opisyal nga gipaabot nilang daan nga mosaka g’yud ang demand sa drugas sa pagbukas sa klase gumikan sa bul-og sa mga estudyante nga moabot dinhi sa dakbayan nga ang uban tiggamitan og illegal drugs.
Samtang kabahin sa report nga dunay mga polis sa Police Station 8 nga nagdawatan og kwarta gikan sa mga druglords, si Santander nagkanayon nga kung wa nay salig ang mga residente sa maong police station, anha na lang sila dangop sa CIB. Sa pakighinabi sa Banat News sa hepe sa Station 8 nga si Police Senior Inpector Bienvenido Milar kini mibutyag nga duna siya’y nadawat kaniadto nga report apan gibalhin na og pwesto ang maong polis.(/EIM)(BANAT NEWS)