Mandaue Public Market kita sa mga vendors ningmenos
CEBU, Philippines - Ningmenos ang kita sa mga manindahay sa temporaryong merkado sa dakbayan sa Mandaue.
Gawas sa mga manindahay, matud ni market administrator Musoline Sulivia nga lakip sa ningmenos ang ilang kita.
Kini gumikan kay ilang gimenosan ang abang ngadto na sa P30 matag adlaw samtang anaa sa gawas sa naguba sa linog nga merkado nag okupar ang mga manindahay.
Nanawagan ang mga manindahay nga unta makabalik na sila sa sulod sa merkado aron mobalik ang ilang mga suki.
Si Sulivia masaligon nga temporaryo lang ang problema nunot sa plano ni Mayor Jonas Cortes nga ibalik sa karaang merkado ang mga manindahay samtang ayuhon ang bag-ong merkado nga naguba sa linog.
Nanawagan usab si Sulivia sa mga mamalitay nga mobalik pagpamalit sa mga stalls sa mga manindahay sa kasamtangang nahimutangan niini uban ang iyang pasalig nga kini hapsay, limpyo ug malinawon. (BANAT NEWS)
- Latest
