CEBU, Philippines - Patay na nga nakaplagan ang usa ka tawo nga nakabaton og samad pinusilan sa iyang ilok ug gipaslakan pa ang baba og usa ka gamay nga paketeng shabu ug usa ka tinfoil diha sa Sitio Intramuros, Barangay Poblacion, lungsod sa Cordova.
Nadakpan hinuon ang suspek nga iyaha ra usab uyoan nga usa ka barangay tanod sa maong barangay.
Ang biktima mao si Daniel Minguito, 28, nagpuyo sa Sitio Puso sa Barangay Poblacion ug ang suspetsado nga iyang silingan ug uyoan nga mao si Jose Minguito.
Si SPO1 Llovero Agosto sa kapolisan sa maong lungsod miingon nga dunay nakadungog sa buto sa armas alas-10 pasado ang takna sa gabii.
Ang kapuyo sa namatay nga si Marjorie Alingasa mitug-an sa kapolisan nga alas-9 sa gabii niadtong Martes nag-text ngadto kaniya ang biktima nga nagkanayon: “Lang mamatay gani ko ‘rong gabhiona walay laing nagpatay nako si Manoy King.â€
Sa crime scene napalgan ang usa ka kabhang sa bala sa kalibre .45 nga gituohang gikan kini sa armas nga maoy gigamit sa pagpatay sa biktima.
Si PO2 Vilma Degamo nga maoy nag-imbestigar sa maong kaso miingon nga base sa ilang pagsubay way laing “Manoy King†sa maong dapit kondili ang suspek ra gyud nga uyoan sa biktima.
Si Agosto mibutyag usab nga wala sila makakita og laing hinungdan sa pagpatay sa suspetsado sa biktima gawas sa kalagot niini nga dili na mopatuo kaniya kun badlungon tungod sa pagkagumon sa ilegal nga drugas. (BANAT NEWS)