CEBU, Philippines - Nipasidaan ang Cebu Bankers Club ngadto sa publiko labot sa pagkuyanap karon sa mga mini nga kwarta.
Gipahibawo ni Gino Gonzales, bag-ong presidente sa CBC, nga kinahanglang magbantay ang publiko sa pag-ila sa mini ug tinuod nga kwarta.
Gisugyot ni Gonzales ngadto sa mga establisemento ang pagpalit og black light arun sa pagseguro nga dili mini ang ilang dawaton gikan sa mga kustomer.
Dili pa lang dugay, pipila ka mga kaso sa mini nga kwarta ang gireklamo sa buhatan sa kapolisan.
Gani may gi-monitor na ang kapolisan nga mga tawo nga nagpakuyanap sa mini nga kwarta sa dakbayan ug lalawigan sa Sugbo. (BANAT NEWS)