CEBU, Philippines - Nakakita na ang kapolisan sa dakbayan sa Talisay og mga testigos sa pagpusil patay sa usa ka tigpatantong Indian nga si Rajit Singh niadtong Martes sa hapon sa Barangay Lawaan III samtang naningil sa mga utangan.
Hinoon matud pa ni SPO1 Mikie Espina nga wala pa sila’y nahipos nga impormasyon sa hinungdan sa pagpamusil.
Apan usa sa gitutukan sa kapolisan nga hinungdan sa hitabo ang negosyo ni Singh diin posibleng dunay nasuko tungod kay wala pautanga o ba kaha dunay nasuko nga singlon kay wala nay planong mobayad sa utang. Posibleng si Singh gikilkilan sa mga suspetsado apan wala mohatag hinungdan nga gipusil.
Ang mga suspetsadong si Jonalo Cabrera Alyas “Joan†ug Arjan Ababon parehong residente sa Sitio Crusher, Barangay Lawaan III hangtud karon padayon pa nga gipangita sa kapolisan.
(BANAT NEWS)