CEBU, Philippines - Miabot na kapin sa 21,000 ka tawo ang nagparehistro sa buhatan sa Commission on Elections sukad niadtong Mayo 6 hangtud petsa 11 sa upat ka probinsya sa rehiyon 7 base sa Statistical Summary Report sa COMELEC-7
Labing daghang nagparehistro sa Sugbo nga adunay kapin sa 13,000.
Gisundan kini sa Negros Oriental nga adunay dul-an sa 5,000 ang narehistro, Bohol adunay kapin sa 2,000 samtang gamay pa ang narehistro sa Siquijor nga may kapin pa lang sa 600. Base sa report, ang dakbayan sa Sugbo nag-inusara adunay daghang bag-o nga nagparehistro itandi sa nagpa-validate. Mikabat kapin sa 5,000 ang bag- ong nagparehistro ug kapin sa 2,000 lang ang nagpa-validate. Samtang ang Bohol, Negros Oriental ug Siquijor mas daghan ang nagpa-validate kaysa bag-ong nagpa rehistro.
Hinoon ang pagpangrehistro molungtad pa hangtud sa Oktobre 31, 2015. (BANAT NEWS)