Mayor Corro gidepensahan sa mga kapitan
CEBU, Philippines - Mipadayag sa ilang suporta ngadto sa ilang mayor ang vice mayor sa lungsod sa Daanbantayan nga si Gilbert Arrabis Jr., uban sa mga konsehal ug napulo ka mga barangay kapitan sa usa ka panagtigom kagahapon.
Kini tunga-tunga niining recall petition nga gisang-at sa pipila ka mga kapitan batok ni Mayor Augusto Corro.
Tumong sa mga kaalyado ni Corro nga ipakita nga sayop ug hinimo-himo ra ang mga alegasyon sa kaatbang sa politika sa mayor. Ang mayor gipasanginlang dunay pabor-pabor sa pagpangapud-apod sa mga hinabang sa mga biktima sa bagyong Yolanda ug wala kini nahimong maayo sa lungsod, mga alegasyong gihimakak ni Corro.
Apan pipila ka mga tigpaluyo sa mayor mipasangil nga giilad sila kay gipapirma sila og dokumento aron mahatagan og balor P5 mil nga housing materials nga diay gigamit ilang pirma alang sa recall.
“Sa among barangay nagpapirma sila kagahapon ang ilang gihimo didto, gipakatap sa mga sitio nga nia na inyong gipaabot, mga hinabang, mopirma mo ani aron matagaan pero ang hinungdan diay ang ilang katuyuan ang kato nga pirma para sa recall,†pasangil pa ni Kapitan Arsenio Luciano sa Baterya.
Si Chona Batadilion, Sangguniang Bayan Member miawhag sa mga katawhan nga suportahan ang mga programa sa mayor kay bisan pa man sa mga pagpanaot padayon gihapon ang mga lakang niini. (BANAT NEWS)
- Latest
