Patay nga masuso gilabay sa kanal
CEBU, Philippines - Usa ka bata nga giingon nga bag-o pa lang gipanganak ang nakit-an nga gilabay sa kilid sa kanal sa Sitio Caymito, Barangay Basak San Nicolas kagahapon sa udto.
Usa ka Josephine Belucura, 25, nagpuyo ra sab sa maong lugar ang mi-report sa kapulisan may labot sa iyang nakita nga patay nga bata.
Matud pa ni Josephine nga samtang naglabay siya og sagbot duol sa maong lugar, iyang nabantayan ang maong patay nga lawas nga una niyang gituohang patay nga hayop. Apan tungod sa pagduda, iyang gitawag iyang inahan ug ila kining gitan-aw og maayo ug diha na nila nahibaw-an nga bata diay kini nga nagsugod na og kadugta.
Matud pa ni PO1 Micheal Singson sa Homicide Section sa Cebu City Police Office nga anaa sa upat ka adlaw nga namatay ang maong bata ug gilabay na lang sa kanal.
“Porma na gyud siya og bata, wala man gani giputos, gilabay lang diretso,†matud pa ni PO1 Micheal Singson. (/EIM)(BANAT NEWS)
- Latest
